Kajri Irving je nedavno odigrao svoj prvi ovosezonski meč u NBA ligi, kada su Netsi u srijedu pobijedili Indijana Pejserse.

Pošto nije vakcinisan, Kajri Irving nema pravo nastupa u Njujorku gdje stanuje i odakle mu je ekipa.

Kevin Durent je upitan da li bi uticao na Kajrija da promijeni odluku i pomogne ekipi, a on je rekao:

"Rekao sam mu koliko je bitan i koliko želim da igra na svakoj utakmici, ali neću da ga tjeram da se vakciniše. To nije moja stvar. Pogotovo ne da bi igrao košarku. Imali smo razgovore na tu temu i mi ćemo poštovati njegovu odluku ma kakva ona bila, jer smo profesionalci i radićemo svoj posao", rekao je Kevin Durent.

(b92)